En A Tríptica facemos teatro como quen traballa a terra: con entrega, coas mans e coa memoria.
Cada proxecto que creamos nace da paixón, da investigación e do desexo de facer da escena un lugar de encontro e transformación.

Mais o camiño da creación independente non sempre é doado. Por iso abrimos este espazo: para quen queira acompañarnos, coidar o lume e facer medrar o que xermola.

Podes axudarnos de moitas formas:
Facendo unha achega económica nas nosas campañas de micromecenado.
Compartindo o noso traballo nas túas redes e axudando a que máis xente o coñeza.
Colaborando en especie ou en rede, cedendo espazos, ofrecendo servizos ou ideas.
Asistindo ás funcións, recomendando o noso teatro, formando parte da comunidade que o sostén.

Cada apoio, por pequeno que pareza, é unha semente que mantén aceso este proxecto.
Porque o teatro tamén se constrúe en colectivo, e sen ti, o lume non prende.